Skip to main content

Азийн эрхтэн шилжүүлэн суулгах холбооны шагналыг Хүний гавьяат эмч П.Батчулуун хүртлээ.

Азийн эрхтэн шилжүүлэн суулгах холбооны 17 дугаар хурал Малайз улсын Куала Лумпур хотноо 2021 оны 07 дугаар сарын 25-28-ны өдрүүдэд зохион байгуулагдлаа. Тус хурлын үеэр тархины үхэлтэй донороос эрхтэн шилжүүлэн суулгах үйл ажиллагаанд онцгой хувь нэмэр оруулсан олон улсын эмч нарт олгох Анхны хүндэт шагналаар Эрүүл мэндийн хөгжлийн төвийн Эс, эд, эрхтнийг шилжүүлэн суулгах үйл ажиллагааг зохицуулах албаны дарга Монгол улсын төрийн соёрхолт, Хүний гавьяат эмч П.Батчулууныг шагналаа. Энэхүү шагналыг энэ оноос эхлэн тархины үхэлтэй донорын үйл ажиллагааг өөрийн улсдаа нутагшуулах, үүсгэн бий болгох, өргөжүүлэн хөгжүүлэх үйлсэд онцгой хувь нэмэр оруулсан олон улсын эмч нарт олгож байхаар бий болгосон байна.

Энэ удаагийн хуралд олон улсын 100 гаруй зөвлөх, эмч мэргэжилтнүүд уригдан оролцож Ковид-19 цар тахлын үед эрхтэн шилжүүлэн суулгах эмчилгээнд гарсан шинэлэг менежмент, туршлагаасаа хуваалцлаа. Тус хуралд манай улсын төлөөлөл болон төвийн ЭЭЭШСҮАЗА болон УНТЭ-ээс эмч, мэргэжилтнүүд цахимаар амжилттай оролцлоо.





Comments

Post a Comment

Popular posts from this blog

Байгууллагын товч танилцуулга

Рафаэл Интэрнэйшнл байгууллага нь : Анх 2007 онд байгуулагдсан ба БНСУ-д оршин сууж буй гадаадын иргэн, цагаач иргэдэд эмнэлгийн болон бусад тусламж үйлчилгээг үнэ төлбөргүй үзүүлдэг Рафаэл Клиник байгууллагаас салбарлан байгуулагдсан сайн дурын байгууллага юм. Рафаэл Интернэйшнл байгууллагын төв оффис нь БНСУ-ын Сөүл хотод байдаг ба   Монгол улс   Мьянмар   Филиппин   Непал гэсэн 4 оронд төлөөлөгчийн газартай. Рафаэл Интернэйшнл байгууллагын тэргүүн  Ан Гюри M.D., Ph.D. Эрхэм зорилго Ард иргэдийг эрүүл аж төрөхөд тусалж Монгол Улсын Эрүүл мэндийн салбарт хувь нэмрээ оруулж манлайлан түүчээлнэ . Алсын хараа Эрүүл мэндийн салбарын мэргэшсэн, мэргэжлийн сургалт , судалгааг дэмжигч Монголын ТББ-ын тэргүүлэгч болох
Post a Comment
Read more

Гол үйл ажиллагаа, чиглэл

  Үйл ажиллагааны гол чиглэлүүд   1.       Монгол-Солонгос эмч нарын хамтарсан сургалт, семинар    Эд, эс, эрхтэн шилжүүлэн суулгалт   Насанд хүрэгчид болон хүүхдийн Бөөрний эмгэг судлал   Мэдрэлийн эмгэг, нөхөн сэргээх эмчилгээ    Дотоод шүүрлийн эмгэг   2.       Монгол эмч нарыг БНСУ-д дадлагажуулах, мэргэжил ур чадварыг дээшлүүлэх 3.       Зорилтод бүлэгт хүрч үйлчлэх Сайн дурын үнэгүй үзлэг 4.       Бусад төсөл хөтөлбөр хэрэгжүүлэх БНСУ-д Монгол эмч, эмнэлгийн мэргэжилтнүүдийн мэргэжил дээшлүүлэх хөтөлбөр      Анх 2008 онд бөөрний эмч нарыг БНСУ-н Сөүлийн Үндэсний Их Сургуулийн эмнэлгийн бөөрний тасаг дээр 3 сарын хугацаатай мэргэжил дээшлүүлэх сургалтад хамруулснаар өнөөдрийг хүртэл эмчийг БНСУ-д мэргэжил дээшлүүлэх хөтөлбөр үргэлжилсээр байна.           Монгол-Солонгосын хамтарсан Эс, эд ...
Post a Comment
Read more

25 сая төгрөгийн өртөг бүхий онлайн сургалт, хурлын иж бүрэн төхөөрөмжийг хандивлалаа.

  ОУ-ын Ротари байгууллагын санхүүжилтээр, БНСУ-ын Рафаэл Интернэйшнл ТББ-аас УНТЭ-ийн Бөөрний төв болон Эрхтэн шилжүүлэн суулгах төвд 25 сая төгрөгийн өртөг бүхий онлайн сургалт, хурлын иж бүрэн төхөөрөмжийг хандивлалаа. 2019 оноос эхлэн хэрэгжиж буй ОУ-ын Ротари байгууллагын Монголын эрхтэн шилжүүлэн суулгалтыг чадваржуулах VTT GG1991269 төслийн хүрээнд тус хоёр төв олон улсын болон дотоодын онлайн сургалт семинарыг удаа дараа амжилттай зохион байгуулж ирсэн бөгөөд эдгээр төхөөрөмж эмч мэргэжилтнүүдийг чадваржуулах ажилд тодорхой хувь нэмэр оруулна гэдэгт хандивлагч болон хамтран ажиллаж буй ОУ-ын Ротари байгууллагын 3640 дүүргийн Ёндынпу клуб, 3450 дүүргийн Улаанбаатар клуб, Рафаэл Интернэйшнл ТББ итгэлтэй байгаагаа илэрхийллээ. Онлайн сургалт, хурлын иж бүрэн төхөөрөмжийг УНТЭ-ийн Бөөрний төв, Эрхтэн шилжүүлэн суулгах төвд хандивласан ОУ-ын ротари байгууллага болон БНСУ-ын Рафаэл Интернэйшнл ТББ-ын хамт олондоо баярлалаа.
Post a Comment
Read more